Құқық қорғау органдары академиясында магистранттар мен докторанттар үшін жаңа оқу жылы басталды.
Биылғы жылы Академияға жоғары оқу орнынан кейінгі білім беру бағдарламалары бойынша оқуға прокуратураның, Ішкі істер министрлігінің, Сыбайлас жемқорлыққа қарсы іс-қимыл агенттігінің және экономикалық тергеу қызметінің 78 қызметкері түсті.
Алғаш рет қашықтықтан бейіндік магистратура енгізілді. Осы бағдарлама бойынша прокуратура және ішкі істер органдарында басшылық қызмет атқаратын, кемінде үш жыл басшылық жұмыс өтілі бар қызметкерлер оқитын болады. Жалпы, ағымдағы эпидемиологиялық жағдайды ескере отырып, барлық сабақтар қашықтықтан өткізіледі.
Жаңадан келген магистранттар мен докторанттармен Академия ректоры Ерғали Мерзадинов кездесті. Жаңадан қабылданғандарға тілек білдіре отырып, ол кәсіби дағдыларды үнемі жетілдірудің маңыздылығын атап өтті, жоғары білікті кадрларды даярлаудағы Академияның рөлін атап өтті, жоғары оқу орнынан кейінгі білім беру бағдарламаларын іске асыру аясында білім алушылар мен педагогтердің алдында тұрған басым міндеттерді белгіледі.
