Бас прокуратура жанындағы Құқық қорғау органдары академиясы мен Ресей Федерациясы Тергеу комитетінің Мәскеу академиясы арасында ынтымақтастық туралы Меморандумға қол қойылды.
Келісім өнімді кәсіби байланыстарды жолға қоюға, заң кадрларын даярлау бойынша күш-жігерді біріктіруге, бірлескен ғылыми-білім беру жобаларын іске асыруға мүмкіндік береді.
Белгіленген мақсаттарды іске асыру және инновациялық академиялық әлеуетті тиімді пайдалану үшін өзара іс-қимылдың әр түрлі нысандары пайдаланылатын болады, тәжірибе мен ақпаратпен үнемі алмасу жолға қойылады.
Тараптар келісім-шарт құқықтық ынтымақтастықты одан әрі дамытуға және екі білім беру мекемесі арасындағы әріптестік қатынастарды нығайтуға елеулі серпін беретініне сенім білдірді.
