Академия магистранттары қылмыстарды тергеп-тексерудің бастапқы кезеңінде тергеу болжамдарын ұсыну және тергеу жағдайларын модельдеу тәсілдерін тәжірибе жүзінде пысықтады. Ашық практикалық сабақты Академияның Жоғары оқу орнынан кейінгі білім беру институтының арнайы заң пәндері кафедрасының доценті Александр Сырбу өткізді.
Қатысушылар тергеу болжамдарының жіктелуін, оларды ұсыну, тексеру және бағалау тәртібін, сондай-ақ криминалистикалық модельдеу мен кейінге қалдыруға болмайтын тергеу әрекеттерін жүргізу ерекшеліктерін қарастырды. Дәлелдемелердің толықтығы мен анықтығын қамтамасыз ету үшін практикалық жағдаяттарды талдауға және тактикалық шешімдер қабылдауға ерекше назар аударылды.
Сабақ барысында магистранттар нақты жағдайларды талдап, процестік болжамдар тұжырымдады және шешім қабылдау алгоритмдерін пысықтады. Осындай формат құқықтық бағалау, тергеу әрекеттерін жоспарлау, сондай-ақ тиімді ұйымдастырушылық және тактикалық шешімдер қабылдау дағдыларын дамытуға мүмкіндік берді.
Нақты тергеу жағдайларын модельдеуге негізделген практикалық сабақтар аналитикалық ойлауды дамытуға және құқық қорғау органдарындағы қызметке қажетті кәсіби құзыреттерді қалыптастыруға ықпал етеді.
