Прокуратура органдарының қызметкерлері цифрлық тергеу, цифрлық криминалистика, OSINT, сондай-ақ цифрлық активтер мен криптовалюталарға байланысты қылмыстарды тергеу мәселелеріне арналған орта деңгейдегі төрт білім беру бағдарламасын сәтті меңгерген оқытудан өтті.
Дайындықтың негізгі мақсаты заңсыз әрекеттерді жасау кезінде қолданылатын электрондық дәлелдемелермен, цифрлық іздермен және заманауи технологиялармен жұмыс істеудің практикалық дағдыларын жетілдіру болды.
Оқыту барысында тыңдаушылар цифрлық дәлелдемелерді анықтау, бекіту және талдау әдістерін зерделеді, OSINT құралдарын қолданудың практикалық дағдыларын алды, сондай-ақ цифрлық активтер мен криптовалюталарды пайдалана отырып жасалған қылмыстарды тергеудің ерекшеліктерін қарастырды.
Бүгінде қылмыстық құқық бұзушылықтардың едәуір бөлігін тергеу электрондық құрылғыларды, интернет-ресурстарды, мессенджерлерді және өзге де цифрлық технологияларды пайдаланумен байланысты. Мұндай жағдайларда цифрлық ақпаратпен тиімді жұмыс істей алатын және оны дәлелдемелік база ретінде пайдалана алатын мамандарды даярлау ерекше маңызға ие.
Киберпрокурорларды даярлау Академияның құқық қорғау органдары қызметкерлерінің заманауи кәсіби құзыреттерін дамыту және цифрлық тергеу саласындағы кадрлық әлеуетті жетілдіру жөніндегі жүйелі жұмысының маңызды бағыты болып табылады.
Осы бағыт бойынша білім беру бағдарламаларын одан әрі дамыту және жетілдіру жалғастырылатын болады.
