2025 жылғы 28 қарашада Қазақстан Республикасы Бас прокуратурасы жанындағы Құқық қорғау органдары академиясының ректоры Нұрғалым Әбдіров Өзбекстан Республикасының Құқық қорғау академиясы ұйымдастырған Халықаралық ғылыми-практикалық конференцияға қатысты.
Шараға Өзбекстанның мемлекеттік органдарының басшылары, АҚШ, Түркия, Еуропа мемлекеттері, Орталық Азия елдері және БҰҰ, ЕҚЫҰ, ЮНЕСКО сияқты халықаралық ұйымдардың өкілдері қатысты.
Пленарлық отырыста сөз сөйлеген Нұрғалым Әбдіров жүйелі халықаралық ынтымақтастықсыз, ғылыми тәсілдермен алмасусыз және заманауи білім беру стандарттарын енгізусіз заң үстемдігін нығайту мүмкін емес екенін атап өтті. Ол цифрландыру, жаһандық сын-қатерлерге қарсы іс-қимыл және құқық қорғау органдары қызметкерлерінің құзыретін дамыту мәселелеріне ерекше назар аударды.
Ташкенттегі халықаралық алаң стратегиялық маңызға ие: ол Орталық Азия елдерінің сарапшыларын біріктіреді, жедел өзгеріп жатқан жаһандық ахуал жағдайында заңдылықты қамтамасыз ету тәсілдерін келісуге мүмкіндік беретін сенім кеңістігін қалыптастырады.
Академия үшін конференцияға қатысу маңызды практикалық қадам болды: ол кәсіби байланыстарды нығайтты, ғылыми ынтымақтастық мүмкіндіктерін кеңейтті және құқық қорғау кадрларын даярлаудың тиімділігін арттыруға бағытталған халықаралық жобалар үшін жаңа бағыттар ашты.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
