2025 жылғы 25 қарашада Қазақстан Республикасы Бас прокуратурасының жанындағы Құқық қорғау органдары академиясында Германия халықаралық ынтымақтастық қоғамының (GIZ) делегациясымен және Гессен қолданбалы ғылымдар университетінің сарапшыларымен кездесу өтті.
Ректор Нұрғалым Әбдіров кіріспе сөзінде экстремизмнің алдын алу және құқық қорғау кадрларын даярлау саласындағы халықаралық әріптестіктің маңыздылығын атап өтті. Ол: «Германияның алдын алу қауіпсіздігі мен сыни ойлау тәжірибесі гибридті және цифрлық қауіптердің өсуі жағдайында біздің жүйеміз үшін құнды ресурс болып табылады» — деп атап өтті.
Кездесу барысында радикалдану белгілерін ерте анықтау тәжірибесі, сараптамалық тәсілдерді дамыту және мамандарды даярлауда зерттеу компонентін күшейту мәселелері талқыланды. Германия тарапынан GIZ жобасының жетекшісі Штефан Бухмайер, полиция бастығы және Гессен университеті кампусының жетекшісі Маттиас Май қатысты. Сарапшылар бірлескен тренингтер, ғылыми бастамалар және тәжірибе алмасу арқылы серіктестікті кеңейтуге дайын екендіктерін білдірді.
Кездесу қорытындысы бойынша тараптар экстремизм профилактикасының халықаралық стандарттарын енгізуге және құқық қорғау жүйесінде кадрлар даярлаудың тиімділігін арттыруға бағытталған ұзақ мерзімді ынтымақтастықты дамытуға ниетті екенін растады.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
