2025 жылғы 21 мамырда Астана қаласында Қазақстан Республикасы Бас прокуратурасының жанындағы Құқық қорғау органдары академиясы мен Түркия Әділет академиясы өкілдерінің кездесуі өтті.
Кездесуде қазақстандық тарапты Құқық қорғау органдары академиясының ректоры Марат Сексембаев таныстырды. Түркия делегациясын Түркия Әділет академиясының президенті Бекир Алтун басқарып келді. Сондай-ақ Түрік делегациясының мүшелері қатарында Стамбул қаласындағы Анатолий сотының бас прокуроры Зафер Коч және Академия бөлімшесінің басшысы Абдуллах Мурат болды.
Кездесу барысында Академия қызметінің негізгі бағыттары, оның ішінде: алғашқы кәсіптік даярлық, біліктілікті арттыру курстары, жоғары оқу орнынан кейінгі білім беру, ғылыми зерттеулер, сондай-ақ халықаралық ынтымақтастық талқыланды.
Академияның терроризмге, экстремизмге, қаржылық қылмыстарға, сыбайлас жемқорлыққа, есірткі саудасына және адам саудасына қарсы күрес жөніндегі өңірлік хаб және ТМД елдері үшін қаржылық тергеулер мен прокурорлық қадағалау салаларында жұмыс істейтін қызметкерлердің біліктілігін арттыру жөніндегі базалық ұйым ретіндегі мәртебелеріне ерекше назар аударылды.
Түрік тарапы ұйымдастыру мен дайындықтың жоғары деңгейіне ризашылығын білдірді, сондай-ақ Құқық қорғау органдары академиясымен маңызды өңірлік әріптес ретінде ынтымақтастықтың маңыздылығын атап өтті.
Тараптар академиялық алмасуды, бірлескен ғылыми-білім беру бастамаларын одан әрі дамытуға, сондай-ақ киберқылмыс пен қаржылық қылмыстарға қарсы күрестегі Түркияның озық тәжірибесін зерделеуге дайын екендіктерін білдірді. Бұл тұрғыда Киберқауіптерге қарсы іс-қимыл жөніндегі ұлттық орталық (USOM) және Қаржылық қылмыстарды тергеу кеңесі (MASAK) сияқты институттардың қызметі ерекше қызығушылық тудырады.
Кездесу соңында тараптар кәсіби серіктестік, сенім және тұрақты даму рухында ынтымақтастықты нығайтуға ниеттерін білдірді.
