Қазақстан Республикасы Бас прокуратурасының жанындағы Құқық қорғау органдары академиясының 10 жылдығына орай құқық қорғау органдары қызметкерлерінен 9 команданы біріктірген үстел теннисінен турнир өтті. ADD SPORT ASTANA спорт кешенінде өткен жарыс мерейтойлық іс-шаралар бағдарламасының бір бөлігі болды.
Іс-шараны аша отырып, Академияның проректор-директоры Гүлнар Шушикова: «Спорт Академияның тәрбиелік және дамытушылық ортасының ажырамас бөлігі болып табылады. Бұл командалық рухты нығайтуға, төзімділікті, табандылықты және көшбасшылықты қалыптастыруға ықпал етеді. Мұның бәрі-құқық қорғау органдары қызметкерлерінің кәсіби қызметінің маңызды құрамдас бөлігі».
Жарыстың құрметті қонақтары Қазақстан Үстел теннисі федерациясының вице-президенті Елсияр Қанағатов, Құқықтық статистика және арнайы есепке алу жөніндегі комитеті төрағасының орынбасары Ғабит Миразов және халықаралық деңгейдегі жаттықтырушы Геннадий Герасименко болды. Олар спорттық бастаманы қолдап, ойыншыларға сенімділік, жинақылық және лайықты нәтижелер тіледі.
Ойындар спорттық бәсекелестік пен құрмет рухында өтті. Қатысушылар жоғары дайындық деңгейін, үйлесімділік пен жеңіске деген ұмтылысын көрсетті.
Турнир қорытындысы бойынша Бас әскери прокуратураның командасы тұғырдың жоғарғы сатысына көтеріліп, барлық матчтарда сенімді болды. Екінші орынды Бас прокуратураның командасы иеленді, ол ойынның техникалық стилін көрсетті. Үшінші орынды дене шынықтыру және тактикалық дайындықтың жоғары деңгейін растаған Академия командасы жеңіп алды.
Марапаттау рәсімінде Академия ректоры Марат Сексембаев турнирдің қатысушылары мен жеңімпаздарын құттықтап, лайықты марапаттар табыс етті және ведомствоаралық өзара іс-қимылды нығайту, корпоративтік мәдениетті дамыту және салауатты өмір салтын ілгерілету үшін осындай іс-шаралардың маңыздылығын атап өтті.
Турнир аясында құқық қорғау органдарының ардагерлері мен зейнеткерлеріне ерекше көңіл бөлінді. Көрсетілген белсенділігі, спорттық рухы мен шеберлігі үшін Қанат Мұхамеджанов (прокуратура органдарының ардагері), Марат Мұратбеков (сыбайлас жемқорлыққа қарсы қызметтің ардагері) және Юрий Василенко (ішкі істер органдарының ардагері) марапатталды.
Үстел теннисін насихаттағаны үшін, сондай-ақ адал қызметі мен мамандыққа адалдығы үшін алғыс ретінде жеке сыйлық прокуратура органдарының ардагері Магомед Акаевқа берілді.
Академия турнирді ұйымдастыруға және өткізуге қатысқандардың барлығына алғысын білдіреді және осы жақсы дәстүрді жалғастыруға үміттенеді.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
