Құқық қорғау органдары академиясында Ата заңымыздың мерейтойына орай «Республика Конституциясы – әділ Қазақстан құрылысының сенімді кепілі» тақырыбында ғылыми семинар өтті. Іс-шара конституциялық нормаларды іске асыру мәселелерін және олардың елдің құқықтық дамуындағы рөлін кәсіби талқылау алаңына айналды.
Семинарды Академияның профессоры, заң ғылымдарының докторы Алмаз Ещанов ашты. Қарсы алу сөзінде ол Конституцияның мемлекеттілік пен құқықтық тәртіптің негізгі қағидаттарын реттейтін басты құжат ретіндегі маңыздылығын атап өтті. Модератор ретінде Академияның аға оқытушысы Асқар Талқыбаев жастарды құқықтық жаңғырту үдерістеріне тартудың маңыздылығына тоқталды.
Семинар барысында Академия докторанттары мен магистранттары баяндама жасады, конституциялық нормалардың әрекет етуі мен дамуының әртүрлі аспектілерін қарастырды. Баяндамалардың тақырыптары жеке тұлға мен мемлекет мүдделерінің тепе-теңдігі, жасырын тергеу әрекеттерін жүргізу кезіндегі Конституциялық кепілдіктер, сыбайлас жемқорлыққа қарсы іс-қимылдың құқықтық тетіктері, мүлікті тәркілеу, кінәсіздік презумпциясы, сондай-ақ конституциялық құқықтың адамгершілік және философиялық негіздері мәселелерін қамтыды.
Баяндамалар қазіргі құқықтық шындықты түсінуге және заңнамалық базаны жетілдірудің мүмкін бағыттарын іздеуге деген ұмтылысын көрсетті. Баяндамалар қатысушылардың қызығушылығын тудырды және мазмұнды пікірталасқа себеп болды.
Іс-шара қорытындысы бойынша қатысушылар қозғалған тақырыптарды одан әрі зерделеуге және конституциялық құқық саласындағы ғылыми зерттеулерді жалғастыруға қызығушылық білдірді. Мұндай семинарлар құқықтық саладағы заманауи сын-қатерлерге кәсіби көзқарасты қалыптастыруға ықпал етеді және ғылыми қоғамдастық ішіндегі академиялық өзара іс-қимылды нығайтады.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
