Құқық қорғау органдары академиясында маңызды білім беру іс-шарасы – «Тіл — Қазақстанның тұрақтылығы мен өркендеуінің негізі» тақырыбында жаппай диктант өтті. Қазақстан халықтарының тілдер күнін мерекелеуге арналған іс-шараға Академияның білім алушылары жиналды, олар еліміздің тіл мұрасын сақтауға және дамытуға үлкен ынтамен қызығушылық танытты. Біздің елімізде жыл сайын атап өтілетін Қазақстан халықтарының тілдер күні көптілділікті, мәдени байлықты және ұлттық бірлікті бейнелейді. Диктант тақырыбы ерекше мағынада таңдалды: ол қазақ тілінің маңыздылығын ғана емес, оның Қазақстанның тұрақтылығы мен өркендеуін қамтамасыз етудегі негізгі элемент ретіндегі рөлін де атап көрсетеді.
Диктант барысында білім алушылар қазақ тілі саласындағы білімдері мен дағдыларын тексеріп қана қоймай, оның ұлттық бірегейлікті нығайтудағы және мәдени мұраны сақтаудағы рөлін түсінуді тереңдете түсті. Оқытушылар мен ұйымдастырушылар қатысушылардың жоғары дайындық деңгейін, сондай-ақ олардың ана тілін үйренуге және сақтауға деген шынайы қызығушылығын атап өтті.
Бұл іс-шараны өткізу рухани жаңғыру және ұлттық сананы дамыту жөніндегі мемлекеттік саясатты іске асырудағы кезекті қадам болды. Академия еліміздің тұрақты және табысты болашағының ажырамас бөлігі болып табылатын Қазақстанның мәдени және тілдік дәстүрлерін терең құрметтеуге тәрбиелей отырып, елдің тіл саясатын белсенді қолдауды және дамытуды жалғастырады.
Құқық қорғау органдары академиясының
баспасөз қызметі
