Ведомствоаралық ғылыми-зерттеу институты Бас прокуратураның тапсырысы бойынша «Жаппай тәртіпсіздіктер: дәлелдеудің қылмыстық-құқықтық аспектісі» тақырыбына ғылыми зерттеу бастады.
Ұлттық құқықтың қолданыстағы нормаларында жаппай тәртіпсіздіктерді айқындаушылар жоқ. Сонымен қатар, олардың пайда болуы адам мен азаматтың құқықтары мен бостандықтарын шектеу негіздерінің бірі болып табылады.
Қылмыстық кодекстің тиісті бабының диспозициясы айқын шекараларды белгілеуге мүмкіндік бермейді және көптеген сабақтас құрамдармен бәсекелеседі. Бұл практикада қиындықтар туғызады.
Авторлар ұжымына «жаппай тәртіпсіздіктер» ұғымының нені қамтитынын түсіну күтілуде.
Оның қорытындысы бойынша қоғамдық қауіпсіздік пен қоғамдық тәртіпке қол сұғатын басқа қылмыстық құқық бұзушылықтардан осындай қылмыстардың аражігін ажыратудың ғылыми негізделген критерийлерін әзірлеу жоспарланған.
Бұл қылмыстық құдалау органдарына қолданыстағы заңнама нормаларын дұрыс қолдануға және азаматтардың қылмыстық процесс шеңберінде негізсіз тартылуын азайтуға мүмкіндік береді.
Барлық ниет білдірушілерді зерттеу жүргізуге қатысуға шақырамыз.
Сарапшылар ретінде қатысу үшін ұсыныстар мен өтінімдерді 7171123@prokuror.kz, 7171171@prokuror.kz электрондық пошталарына жіберуді сұраймыз.
