РАХМЕТОВ ҚУАНДЫҚ ҚАЙРАТҰЛЫ
Институт директоры
1973 жылғы 25 тамызда дүниеге келген.
Еңбек жолын 1997 жылғы қазан айында Павлодар облысы Салық полициясы комитеті басқармасында бастады.
2001 жылғы қаңтардан бастап Павлодар облысының прокуратура органдарында Павлодар қаласы прокуратурасының стажеры, кейін бөлім прокуроры, облыс прокурорының көмекшісі болып жұмысын жалғастырды.
2004 жылғы маусымнан бастап – Қазақстан Республикасы Бас прокуратурасының Жедел-іздестіру қызметі заңдылықты қадағалау басқармасының прокуроры, аға прокуроры, сондай-ақ Бас прокуратураның Кадрлық жұмыс департаментінің аға прокуроры.
2008 жылғы сәуірден бастап – Орталық аймақтық көлік прокуратурасының Ақмола көлік прокуроры.
2010 жылғы қазаннан бастап – Павлодар облысы Лебяжин ауданының прокуроры.
2012 жылғы қаңтардан бастап – Бас прокуратураның тергеу және анықтау заңдылығын қадағалау департаментінде жұмыс істеді: Ішкі істер органдары, ТЖМ органдарында тергеу мен анықтау заңдылығын қадағалау басқармасының аға прокуроры, сондай-ақ қылмыстық процесс сот кезеңінде конституциялық құқықтардың сақталуын бақылау басқармасының аға прокуроры.
2013 жылғы маусымнан бастап – Бас Прокурордың аға көмекшісі.
2015 жылғы шілдеден бастап – Сотқа дейінгі тергеудің сапасын талдау басқармасының басшысы, Сыбайлас жемқорлыққа қарсы қызмет органдары мен арнайы прокурорлардағы қылмыстық қудалаудың заңдылығын қадағалау басқармасының басшысы.
2017 жылғы қазаннан бастап – Құқық қорғау органдары академиясының Қылмыстық саясат пен жаза орындалуын зерттеу орталығының басшысы.
2019 жылғы маусымнан бастап – Ақтөбе облысы прокурорының бірінші орынбасары.
2023 жылғы қарашадан бастап – Ұлытау облысы прокурорының бірінші орынбасары.
2026 жылғы қаңтардан бастап – Құқық қорғау органдары академиясының Кәсіби даярлау институтының директоры.
Қызметтегі жетістіктері үшін 2022 жылы мемлекеттік награда – «Жауынгерлік ерлігі үшін» медалімен марапатталған.
