Прокуратура мен сыбайлас жемқорлыққа қарсы қызмет жас қызметкерлерінің кезекті тобы Академияда бастапқы кәсіби даярлықты аяқтады.
Оқыту жалпы салалық, ақпараттық, жазбаша, коммуникативтік, кәсіби мамандардың маңызды құзыреттілігін дамытуға баса назар аудара отырып өтті.
Бір ай бойы тыңдаушылар Шешендік шеберлік пен психология техникасын, іс жүргізу құжаттарымен жұмыс істеу бойынша теориялық және практикалық аспектілерді меңгеріп, атыс және дене шынықтыру дайындықтарын өтті.
Тыңдаушылар оқу бағдарламаларын меңгеру деңгейін және прокурордың өкілеттігін орындауға дайындығын анықтау үшін білімді қорытынды бақылаудан сәтті өтті.
Дөңгелек үстелде оқыту аяқталғаннан кейін құқық қолдану тәжірибесінің проблемалық мәселелері талқыланып, оларды шешу бойынша ұсыныстар әзірленді.
Дайындықтан сәтті өткен барлық тыңдаушыларға салтанатты түрде тиісті сертификаттар табысталды
