Қазақстан Республикасы Бас прокуратурасының жанындағы Құқық қорғау органдары академиясында 2026 жылғы 30 наурыз бен 3 сәуір аралығында «Жекелеген экономикалық қылмыстар бойынша дәлелдемелер жинау ерекшеліктері» тақырыбында біліктілікті арттыру курсы өткізілуде.
Курстың мақсаты – Қазақстан Республикасы Қаржылық мониторинг агенттігі (бұдан әрі – ҚМА) қызметкерлерінің экономикалық құқық бұзушылықтарды тергеу барысында сараптамалық зерттеулерді қолдану және ақпараттық жүйелерді пайдалану бойынша кәсіби деңгейін арттыру.
Апталық оқу аясында қатысушылар экономикалық қылмыстарды тергеу процесінде сарапшылармен өзара іс-қимыл жасау бойынша практикалық дағдыларды меңгереді.
Сабақтарды Академияның профессор-оқытушылар құрамы мен ғылыми қызметкерлері, ҚМА өкілдері, сондай-ақ шақырылған сарапшылар жүргізеді.
Курс барысында аталған саладағы өзекті және проблемалық мәселелер қарастырылады.
Оқу қорытындысы бойынша қатысушыларға экономикалық қылмыстарға қарсы іс-қимыл саласындағы жаңа құзыреттерін растайтын сертификаттар табысталады.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
