2026 жылғы 13 наурызда қоғамдық қауіпсіздікті нығайтуға бағытталған мемлекеттік саясат аясындажәне «Заң мен тәртіп» тұжырымдамасын іске асыру шеңберінде Жоғары оқу орнынан кейінгі білім беру институтының оқытушылары — доцент Д.Т. Амуртаева және оқытушы А.С. Карымсакова Қазақстан Республикасы Ұлттық экономика министрлігі мен Қазақстан Республикасы Сот әкімшілігінің қызметкерлеріне «Лудомания – мемлекеттік қызметшінің кәсіби сенімділігіне төнетін қауіп» тақырыбында дәрістер өткізді.
Дәрістер барысында ойынға тәуелділіктің пайда болу себептері мен салдары, сондай-ақ оның мемлекеттік қызметшілердің қаржылық тәртібіне, психологиялық жағдайына және қызметтік қызметіне ықпалы қарастырылды. Онлайн-бәстігудің қол жетімділігінің артуына және алдын алу шараларының қажеттілігіне ерекше назар аударылды.
Д.Т. Амуртаева лудоманияға қарсы іс-қимылдың құқықтық аспектілерін, оның ішінде заңнамалық реттеу мәселелерін, ықтимал сыбайлас жемқорлық тәуекелдерін және жауапкершілік шараларын таныстырды. Ал А.С. Карымсакова тәуелділіктің қалыптасуының психологиялық механизмдерін түсіндіріп, эмоционалдық тұрақтылықты сақтау және аддиктивті мінез-құлықтың алдын алу бойынша практикалық ұсынымдар берді.
Өткізілген іс-шара қызметкерлердің ойынға тәуелділіктің тәуекелдері туралы хабардарлығын арттыруға мүмкіндік беріп, кәсіби сенімділікті сақтау мен салауатты жұмыс ортасын қалыптастыруда профилактиканың маңыздылығын атап өтті.
