2026 жылғы 16 ақпанда Академия ректоры Н.М.Әбдіров Диссертациялық кеңес мүшелерімен кездесті. Кеңес құрамына білім беру ұйымының қызметкерлерімен қатар белгілі заң ғылымдарының докторлары А.Н.Ахпанов, А.М.Нұрмағамбетов, Н.О.Дулатбеков және Е.Н.Бегалиев енген.
Кездесу барысында ректор Кеңес мүшелерін құттықтап, докторлық диссертацияларды ұйымдастыру және қорғау үдерісін қамтамасыз етудегі олардың қызметінің маңыздылығын атап өтті. Сондай-ақ Кеңеске жүктелген ерекше рөлге және қабылданатын шешімдердің заң ғылымын дамытудағы рөліне тоқталды. Зерттеулердің практикалық бағыттылығын күшейту қажеттігі айқындалды.
Қатысушылар Диссертациялық кеңес жұмысының ұйымдастырушылық мәселелерін және оны одан әрі жетілдірудің басым бағыттарын талқылады. Ғылыми-білім беру бастамалары аясында ынтымақтастықты кеңейтуге, ғылыми әлеует пен тәжірибені біріктіру арқылы жаңа нәтижелерге қол жеткізуге және зерттеулердің қолданбалы маңызын арттыруға ерекше назар аударылды.
Кеңес төрағасы А.Н.Ахпанов докторанттардың қорғауға ұсынылатын еңбектерінің практикалық маңызын күшейтудің өзектілігін атап өтіп, олардың зерттеу нәтижелерін талқылау мақсатында тұрақты кездесулер өткізуді ұсынды.
Ректор Кеңес мүшелеріне сындарлы диалог үшін алғыс білдіріп, алдағы уақытта өзара тиімді әрі ұзақ мерзімді ынтымақтастыққа сенім білдірді.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
