Түркістан қаласында Қазақстан Республикасы Бас прокуратурасының жанындағы Құқық қорғау органдары академиясының ректоры Н.М. Әбдіров пен Қожа Ахмет Ясауи атындағы Халықаралық қазақ-түрік университеті ректорының міндетін атқарушы Нажи Генчтің кездесуі өтті.
Кездесу барысында тараптар бұрын қол қойылған ынтымақтастық туралы меморандум аясында академиялық және практикалық өзара іс-қимылды тереңдету мәселелерін талқылады. Басым бағыттар ретінде бірлескен ғылыми-білім беру іс-шараларын өткізу, қолданбалы зерттеулерді іске асыру, оқытушылар мен білім алушылардың академиялық ұтқырлығы, сондай-ақ магистрлік және докторлық диссертацияларға бірлесіп ғылыми жетекшілік ету белгіленді.
Студенттермен өткен кездесуде Құқық қорғау органдары академиясының алғашқы кәсіптік даярлыққа қабылдау мәселелеріне ерекше назар аударылды.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
