2025 жылғы 25 желтоқсанда Академияда Қаржылық мониторинг агенттігінің Экономикалық тергеу қызметі үшін алғашқы кәсіптік даярлау бағдарламалары бойынша оқуды аяқтаған тыңдаушылар шығарылды. Оқыту экономикалық қауіпсіздіктің өзекті сын-қатерлерін ескере отырып, құқық қорғау органдарында қызмет ету үшін қажетті кәсіби құзыреттер мен құндылықтарды қалыптастыруға бағытталған.
Салтанатты іс-шараға Қаржылық мониторинг агенттігі төрағасының орынбасары Жеңіс Елемесов, Академияның бірінші проректоры Қалиолла Сейтенов, Академияның профессорлық-оқытушылар құрамы және түлектердің ата-аналары қатысты. Жеңіс Елемесов кадрларды даярлаудың жоғары деңгейін атап өтіп, Академия түлектерінің арасында «Үздік тергеуші» және «Үздік жедел қызметкер» атақтарына ие болған қызметкерлер бар екенін атап өтті.
Академияның бірінші проректоры Қ. Сейтенов жас мамандарды қызметтік ар-намысты биік ұстауға, кәсіпқойлық пен парасаттылықтың үлгісі болуға шақырды, сондай-ақ құқық қорғау органдарының болашақ қызметкерлерін лайықты тәрбиелегені үшін ата-аналарына алғысын білдірді. Түлектердің ата-аналары өз кезегінде оқу кезеңінде балаларының тәртібі мен жауапкершілігіндегі оң өзгерістерді атап өтті.
Оқу қорытындысы бойынша түлектерге дайындықты аяқтағаны туралы сертификаттар табыс етілді, ал оқу, ғылыми, қоғамдық және спорттық қызметте жоғары нәтиже көрсеткен тыңдаушылар грамоталармен марапатталды.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
