2025 жылғы 17 желтоқсанда Академияда Қазақстан Республикасының ҰҚК Сыбайлас жемқорлыққа қарсы қызметі үшін алғашқы кәсіптік даярлық тыңдаушыларының салтанатты бітіру рәсімі өткізілді.
Іс-шараға Академия ректоры Нұрғалым Мажитұлы Әбдіров, Қазақстан Республикасының ҰҚК Сыбайлас жемқорлыққа қарсы қызметінің бірінші орынбасары Мақсат Мырзаханұлы Жебегенов, Академияның профессорлық-оқытушылық құрамы және түлектердің ата-аналары қатысты.
Ректор Нұрғалым Әбдіров түлектерге арнап сөйлеген сөзінде алынған білім мен дағдылар жаңартылған ұлттық қауіпсіздік жүйесіндегі бұдан әрі қызмет үшін берік негіз болуға тиіс екенін атап өтті. Сонымен қатар қазіргі заманғы қызметкер жоғары кәсіби дайындық деңгейін жеке парасаттылықпен, ішкі тәртіппен және әділеттілік қағидаттарына беріктікпен үйлестіруі қажет екені ерекше айтылды.
Оқыту нәтижесі бойынша түлектерге алғашқы кәсіптік даярлықты аяқтағаны туралы сертификаттар табыс етілді, ал оқу, ғылыми, қоғамдық және спорттық белсенділікте жоғары нәтижеге жеткен тыңдаушылар грамоталармен марапатталды.
Салтанатты рәсімге түлектердің ата-аналарының құттықтаулары ерекше жылылық сыйлады. Олардың қолдау мен мақтанышқа толы сөздері әр жас офицердің артында отбасының сенімі мен мемлекет алдындағы адал, лайықты қызмет көрсетуге деген үміт тұрғанын еске салды.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
