Құқық қорғау органдары академиясында тыңдаушылардың кәсіби дайындығын тереңдетуге бағытталған білім беру циклі шеңберінде кезекті кездесу өтті. Іс-шараның қонағы Қазақстан Республикасы Бас прокуратурасының 2-Қызметінің пенитенциарлық жүйесі мекемелеріндегі заңдылықты қадағалау басқармасының бастығы Ерболат Тайкешов болды.
Кездесу барысында тыңдаушылар әртүрлі деңгейдегі мекемелерді прокурорлық қадағалаудың ерекшеліктері туралы құнды ақпарат алды. Қылмыстық-атқару жүйесінің жұмыс істеуіне және заңдылықтың бұзылуына прокурорлық ден қоюдың өзекті мәселелеріне ерекше назар аударылды.
Спикер сотталғандардың құқықтарын қамтамасыз етудің, прокурорлардың мекемелер әкімшілігімен өзара іс-қимылының, сондай-ақ ұстау, тұрмыс және тәрбие жұмысының шарттарын ұйымдастырудың негізгі аспектілерін егжей-тегжейлі атап өтті. Ашық диалог форматы қатысушыларға өздерін қызықтыратын сұрақтар қойып қана қоймай, сонымен қатар практикалық ұсыныстар алуға мүмкіндік берді.
Мұндай кездесулер тыңдаушылардың прокуратура органдарының міндеттері мен функциялары туралы, әсіресе қылмыстық жазаларды орындау саласындағы тұтас түсініктерін қалыптастыруда маңызды рөл атқарады. Тәжірибе алмасу болашақ прокуратура қызметкерлерінің кәсіби уәждемесін нығайтуға және олардың құқық қолдану құзыреттерін дамытуға ықпал етеді.
