Құқық қорғау органдары академиясында бастапқы кәсіби даярлық курсының тыңдаушылары арасында интеллектуалдық викторина өтті. Іс-шараның тақырыбы – сотқа дейінгі тергеу заңдылығын қадағалау мәселелері болды.
Викторина заманауи интерактивті AhaSlides платформасы арқылы өткізілді, бұл нәтижелерді автоматты түрде есептеуге және жеңімпаздарды объективті анықтауға мүмкіндік берді. Викторинаға курстың барлық тыңдаушылары қатысты, бұл оқу іс-шарасын кәсіби білімдер бойынша толыққанды командалық сынаққа айналдырды.
Сұрақтар төрт негізгі бағытты қамтыды: сотқа дейінгі тергеу және қылмыстық қудалау заңдылығын қадағалау жөніндегі салалық нұсқаулық талаптары, Қылмыстық және Қылмыстық процестік кодекстерінің ережелері, сондай-ақ Қазақстан Республикасының Жоғарғы Сотының нормативтік қаулылары. Әр сұраққа 30 секунд уақыт берілді, бұл жылдам ойлау және шешім қабылдау дағдыларын дамытуға ықпал етті.
Интерактивті формат оқу процесін белсенді және қызықты етті. Тыңдаушылар заңнаманың маңызды нормаларын қайталап қана қоймай, оларды интеллектуалдық жарыс жағдайында бекіте алды.
Викторина нәтижесінде үш жеңімпаз анықталды. 1 орынды Гүлнұр Серікбай, 2 орынды Асыл Есентұр, 3 орынды Еңлік Амантайқызы иеленді.
Іс-шара болашақ прокурорлардың кәсіби құзыреттіліктерін дамытуға бағытталған оқу процесінде цифрлық технологияларды тиімді қолданудың жарқын үлгісіне айналды.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
