2024 жылғы 21 қазанда Құқық қорғау органдары академиясында алғашқы кәсіптік даярлық тыңдаушылары арасында зияткерлік викторина өтті. Іс-шара сотқа дейінгі тергеудің заңдылығын қадағалау мәселелеріне арналды.
Викторина AhaSlides-тің заманауи интерактивті платформасын қолдана отырып өткізілді, бұл нәтижелерді санау процесін автоматтандыруға және жеңімпаздарды анықтаудың толық ашықтығы мен объективтілігіне кепілдік берді. Барлық тыңдаушылар өз білімдерін толық құрамда көрсете отырып, жарысқа қатысты.
Тестілеу төрт негізгі бағыт бойынша сұрақтарды қамтыды: Сотқа дейінгі тергеп-тексеру мен қылмыстық қудалаудың заңдылығын қадағалауды ұйымдастыру жөніндегі салалық нұсқаулықтың талаптары, Қылмыстық және Қылмыстық-процестік кодекстердің ережелері, сондай-ақ Қазақстан Республикасы Жоғарғы Сотының нормативтік қаулылары. Әр сұрақ 30 секунд ішінде жылдам жауап беруді талап етті, бұл бәсекелестік рухтың элементін қосып, қатысушылардың жедел ойлау қабілеттерін тексерді.
Интерактивті ойын форматы білімді тексеруге ғана емес, сонымен қатар оқу процесін қызықты әрі динамикалық етуге мүмкіндік берді. Тыңдаушылар заңнаманың маңызды ережелерін қайталап қана қоймай, өз білімдерін еркін жағдайда нығайтты. Викторина прокуратура органдарының болашақ қызметкерлерін оқытуда олардың кәсіби өсуі мен дамуына ықпал ете отырып, инновациялық тәсілдерді қалай табысты қолдануға болатынын көрсетті.
Іс-шара болашақ мамандарды даярлау сапасын арттыру және олардың кәсіби құзыреттерін нығайту үшін заманауи технологияларды пайдаланудың жарқын үлгісі болды.
Құқық қорғау органдары академиясының
баспасөз қызметі
Телефон: +7 (778) 615-41-81
Email: 7171498@prokuror.kz
