Ағымдағы жылдың 9 тамызында Қазақстан Республикасы Бас прокуратурасының жанындағы Құқық қорғау органдары академиясында қазақтың ұлы ақыны және ойшылы Абай Құнанбаевтың 179 жылдығына арналған театрландырылған қойылым өтті. Академия тыңдаушыларының қатысуымен ұйымдастырылған іс-шара Қазақстанның мәдени және тарихи мұрасын бейнелейтін жарқын оқиға болды.
Төрт жыл бұрын, Қазақстан Республикасы Президентінің тапсырмасы бойынша, 10 тамыз Абай Құнанбаевты құрметтеудің ресми күні және бұл күні бүкіл ел бойынша оның мұрасына арналған тақырыптық іс-шаралар өткізіледі.
Театрландырылған қойылымда Абай өмірінің негізгі сәттерінен, соның ішінде әкесі Құнанбаймен пікірталастардан, оның әндері мен әйгілі «Қара сөздерден» үзінділер орындалды.
Абай Құнанбаевтың шығармашылығы, оның халықтың ой-өрісін өзгертуге бағытталған жаңа құндылықтарды енгізуге деген ұмтылысы қазіргі Қазақстанда да өзекті болып қала береді. Іс-шараға қатысқан Академия басшылығы мен қызметкерлері тыңдаушылардың жоғары актерлік қасиеттерін, олардың мемлекеттік тілді білуін, патриотизмнің терең сезімін, сондай-ақ мәдени дәстүрлер мен ұлттық мұраны құрметтейтінін атап өтті.
Іс-шара ұлы ойшылды еске алып қана қоймай, қазақстандық қоғамның ажырамас бөлігі болып табылатын бірліктің, ұлттық мақтаныш пен мәдени байлықтың белгісіне айналды.
Академияның
баспасөз қызметі
