Бүгін Құқық қорғау органдары академиясында тіл саясатын, мәдени мұраны және көне түркі жазуын дамытуға арналған іс-шара өтті.
Іс-шараны Академияның Ведомствоаралық ғылыми-зерттеу институты Прокуратура органдарында тіл саясатын дамыту жөніндегі 2024-2029 жылдарға арналған іс-шаралар жоспарын іске асыру шеңберінде ұйымдастырды.
Спикерлер ретінде Л.Н. Гумилев атындағы Еуразия ұлттық университетінің белгілі ғалымдары – түрколог, Түркология және алтайтану ғылыми-зерттеу орталығының директоры, филология ғылымдарының докторы, профессор Қаржаубай Сартқожаұлы, сондай-ақ Қазақ әдебиеті кафедрасының профессоры, филология ғылымдарының кандидаты Болат Қорғанбеков сөз сөйледі.
Профессор Қаржаубай Сартқожаұлы түркі халықтарының тарихы мен мәдениетін зерттеу үшін маңызды дереккөз болып табылатын Моңғол және Енисей жазулары сияқты көне түркі жазба ескерткіштерінің маңыздылығын атап өтті. Бұл жазбаларда ежелгі түріктердің әлеуметтік мәдениеті, діни нанымдары мен саяси өмірі туралы құнды мәліметтер бар. Профессор сондай-ақ осы жазуларды шифрді ашу әдістері және қазақстандық ғалымдардың оларды зерттеуге қосқан үлесі туралы айтып берді.
Профессор Болат Қорғанбеков көне түркі мәтіндерінің әдеби және көркемдік құндылығына баса назар аударды. Ол түркілердің жазбаша мәдениетінің дамуының жоғары деңгейін көрсететін жазбаларда қолданылған поэтикалық элементтерді бөліп көрсетті. Сондай-ақ ежелгі түркі жазуларының қазіргі қазақ тілі мен әдебиетіне әсері талқыланды.
Академия ұжымы шынайы қызығушылық танытты, қызметкерлер ежелгі түркі жазулары туралы түсініктерін кеңейте отырып, белсенді сұрақтар қойды.
Мұндай іс-шаралар мәдени және тарихи байланыстарды нығайтуға ықпал етеді, сондай-ақ ежелгі түркі халықтарының бай мұрасын зерттеуге қызығушылықты арттырады.
Құқық қорғау органдары академиясының
баспасөз қызметі
