Академияда прокуратура және ішкі істер органдарының қызметкерлері үшін әлеуметтік желілерде тергеу мәселелері бойынша курстар аяқталды. Оқу іс-шарасы АҚШ-тың Қазақстандағы Елшілігінің қолдауымен ұйымдастырылды.
Әлеуметтік медианы тергеу бойынша кеңес беру — бұл әлеуметтік медиа этикасынан бастап ақпарат жинаудың озық әдістеріне дейінгі көптеген мәселелерді қамтитын кешенді оқу материалы.
Әлеуметтік медиа байланыс пен ақпарат алмасудың ажырамас бөлігі және маңызды құралы болып табылады.
Дегенмен, елеулі қауіптер де бар, өйткені әлеуметтік желілер бүгінде онлайн қылмыстардың көптеген түрлерінің өсіп келе жатқан ортасына айналуда. Ең алдымен, бұл кибершабуылдар, жеке басын ұрлау, алаяқтық және басқалар.
Мысалы, соңғы 5 жылда Қазақстанда интернет желісін пайдалану арқылы жасалған 65 мыңға жуық құқық бұзушылық тіркелді. Жалпы, киберқылмыстардың саны 4 жылда 40 есеге өсті.
Үлкен қауіп — әлеуметтік медианы террористік ұйымдар операцияларды жоспарлау және үйлестіру, адамдарды тарту және экстремистік идеяларды тарату үшін белсенді қолданады.
Оқыту сессиялары әлеуметтік желілердегі радикалды көріністерге қарсы тұру мәселелеріне арналды. Тренингке қатысушылар онлайн-тергеу негіздерімен, террористердің әлеуметтік желілерді пайдалану әдістерімен танысты, анонимді мониторинг жүргізу және нысаналы топтарға қатысу тәсілдері мен құралдарын зерттеді.
Әлеуметтік желілерде дәлелдемелерді қалай жинау және сақтау керектігін, сондай-ақ оларды ықтимал күдіктілер мен куәгерлерді анықтау үшін пайдалануды үйренді.
Тәжірибелік жаттығулар кезінде тыңдаушылар әлеуметтік медиа платформаларына қол жеткізді және жағдайлық зерттеуге қатысты ақпаратты жинады, әрі қарай тергеу үшін әлеуметтік медиа коммуникацияларын қадағалауды және қатысуды үйренді.
Тренингтерді АҚШ Мемлекеттік департаментінің сарапшылары Скотт Алан Брайден мен Майк Уильям МакТавиш өткізді.
Құқық қорғау органдары академиясының баспасөз қызметі
